Эрхэм таны энэ өдрийн амрыг айлтган мэндчилье!

   Ная гаруй жилийн түүхтэй Ховд аймгийн Ус, Цаг уур орчны шинжилгээний газрын цахим хуудсанд зочилж буй эрхэм хэрэглэгч танд баярлалаа.

Ус цаг уур, орчны мэдээлэл, үйлчилгээ, шинжилгээний ажлын үр дүнг манай орны хөдөө аж ахуй, эрчим хүч, уул уурхай болон эдийн засгийн бүхий л салбар, соёл шинжлэх ухаан, ард иргэдийн эрэлт хэрэгцээ, шаардлагад нийцүүлэн гаргахын төлөө бид хичээн ажилладаг билээ.

Бид ус цаг уур, орчны шинжилгээ, мэдээлэл, үйлчилгээний ажлын чанарыг сайжруулах, ялангуяа ус, цаг агаарын урьдчилсан мэдээний чанарыг дээшлүүлэх, мэдээллийг хэрэглэгчдэд шуурхай хүргэх, мэдээллийн хүртээмжийг нэмэгдүүлэхэд онцгой анхаарч ажиллаж байна.

Монгол улсын Ус цаг уурын байгууллага өнгөрсөн түүхийн 90 гаруй жилийн хугацаанд улс орны нийт нутгийг хамарсан ажиглалт, хэмжилтийн нэгдсэн сүлжээ байгуулж, ус цаг уурын үзэгдэл явцыг урьдаас танин мэдэх, байгалийн гамшигт үзэгдлээс урьдчилан сэрэмжлүүлэх тогтолцоог бий болгон, орчин цагийн шинжлэх ухаан, техникийн ололтыг нэвтрүүлж, дэлхийн түвшинд хүрсэн, биеэ даасан үндэсний алба болтлоо хөгжиж чадсаныг бахархан тэмдэглэж байна.

Бид мэдээлэл, үйлчилгээний ажлын чанарыг сайжруулах, ялангуяа цаг агаарын урьдчилсан мэдээний чанарыг дээшлүүлэх, мэдээллийг хэрэглэгчдэд шуурхай хүргэх, мэдээллийн хүртээмжийг нэмэгдүүлэхэд онцгой анхаарч ажиллаж байна.

Манай байгууллагын цахим хуудсаар үйлчлүүлж буй эрхэм таныг өөрт хэрэгцээтэй мэдээ, мэдээллийг олж авч, бидэнтэй хамтран ажиллахыг хүсье!

                                                                                                                     Ховд Ус, цаг уур орчны шинжилгээний төв